FIRST WEEK OF ORDINARY, YEAR B (IGBO)

UKWE MBATA

Uwa niile ga-akpọrọ Gị isi ala, O Chukwu, ha ga ekwere aha Gị ukwe otito, o Onye kacha elu.

EKPERE MMEGHE

Chineke pụrụ ime ihe niile dị ndụ, onye na-achị ihe niile ka n'eluigwe ka n'uwa, were ebere nụrụ arịrịọ ndị nke Gị ma hukwasa udo Gị n'oge nke anyị. Site na Kristi Dinwenu anyị.

EKPERE NHUNYE

Mee, O Dinwenu, anyị na-arịọ, ka anyị wee nwe ike itozu etozu ma sonyekwa n'ihe omimi nke a. Maka na oge obula anyị na eme emume nke aja nke a, a na-emejupụtakwa ọrụ nke nzọpụta anyị. Site na Kristi Dinwenu anyị.

UKWE ORIRI NS

Ikwadogoro m oche nri, ma lee ka osi dị oke ọnụ bụ iko nke na-ewezugara m akpịrị ịkpọ nkụ.

EKPERE ANATACHA ORIRI NS

Nukwasa n'ime anyị, O Dinwenu, mmụọ nke ihunaanya Gị, ma site n’ebere Gị, mee ndị nke I sigoro n’otu achicha nke eluigwe a zụọ nrị, bụrụ otu n'ime mmụọ na n'ime obi. Site na Kristi Dinwenu anyị.

 

 MONDAY OF THE SECOND WEEK OF ORDINARY TIME, YEAR B

IHE GG NKE MB

Ihe gg ewetara n'akwkw mb Samel dere (Samuel. 15:16-23)

“N'ezie irubeisi ka mma kara ch aja.   Yahweh ajla g b eze”.

Samụel wee sị Sọl “Kwụsị! Aga m agwa gị ihe Chineke gwara m n'abalị taa.” Sọl asị ya: “Gwa m.” Samuel gwa ya, sị, “Ọ bụ ezie na ị dị nta n'anya gị, ma ị bụ onye ndu nke agbụrụ  Izrel niile. Yahweh tere gi mmanụ ka ị bụrụ eze Izrel. O zigakwara gị nye gị iwu, ka I jee kpochapụ mba obi ọjọọ ahụ bụ ndị Amalek. Ọ gwara gị ka i buo agha megide ha ruo mgbe I kpochapụrụ ha. Gịnị mere na I rubereghị Yahweh isi? Gịnị mere i ji buru ihe a lụtara n'agha lọta, wee mee ihe dị njọ n'anya Yahweh? Sọl azaghachi Samuel, “N'eziokwu erubeere m Yahweh isi. Ejere m dịka o gwara m, gbuo ndị Amalek niile, kpụrụ eze ha bụ Agag, lọta na ndụ. Ndịagha mụ na ha so, n'akụkụ nke ha, egbughịkwa ndị kachasị mma n'igwe ewu, na atụrụ, na ehi ndị ala ahụ, ndị ha nwudere. Kama, ha chịịrị anụmaanụ ndị a bịa na Gịlgal, ịchụrụ  Yahweh bụ Chineke gị aja.” Ma Samuel gwara ya sị, “Olee nke na-atọ Chineke ụtọ karia, ọ bụ irubere ya isi, ka ọ bụ ịchụrụ ya aja nsureọkụ na aja dị icheiche? N'ezie, irubeisi ka mma karịa ịchụ aja, mmadu iwedata onwe ya ka mma karịa iji abụba ebule chụọ aja. Inupụisi dị njọ dịka ịgba afa. Isiike dị njọ dị ka ikpere arụsị. “N'ihi na ị jụrụ ime ihe Yahweh kwuru, Yahweh ajụla gị ịbụ eze”.

Okwu nke Oseburuwa

Read more: : 02. MONDAY OF SECOND WEEK OF ORDINARY TIME, YEAR B

TUESDAY OF THE SECOND WEEK OF ORDINARY, YEAR B (IGBO)

IHE GG NKE MB

Ihe ọgụgụ ewetara n'Akwụkwọ mbụ nke Samuel (16:1-13)

Samuel were mmanụ ahụ wụkwasị Devid, n'ihu ụmụnne ya. Mmụọ nke Dinwenu wee dakwasị ya.

N'ụbọchị ndi ahụ: Dinwenu jụrụ Samuel? “Olee mgbe ị ga-akwụsị iruru Sọl ụjụ ebe m jụrụla ya ibụ eze ndị Izrel? Ya mere, ugbu a, were mmanụ jee Betlehem n'ụlọ otu nwoke a na-akpọ Jese n'ihi na ahọrọla m otu n'ime ụmụ ya ndị nwoke ka ọ bụrụ eze.” Samuel jụọ ya sị “olee otu m ga-esi eme nke a? Ọ bụrụ na Sọl anụ ya, ọ ga-egbu m. Dinwenu sị ya, “Kpụrụ otu nwa ehi. Ọ bụrụ na onye ọbụla ajụọ gị, ị ga-asị ya na ị bịara n'ebe ahụ ịchụrụ Dinwenu aja. Ziekwa Jese ka o soro bịa ịchụaja ahụ. Aga m agwakwa gị ihe ị ga-eme. Onye ọbụla m họpụtara gị ka ị ga-ete mmanụ.” Samuel mere ihe Dinwenu kwuru, wee jee Betlehem. Ndị okenye obodo ahụ maara jijiji bịa izute ya. Ha jụrụ ya sị, “Udo ọ dịkwa nke a ị bịara, onye ọhụụzọ?” Ọ zara ha, sị “udo dị, Abịara m ịchụrụ Dinwenu aja. Ya mere, doonụ onwe unu nsọ, soro m n'ịchụ aja nke a.” O wee doo Jese na ụmụ ya ndị nwoke nsọ, kpọọ ha ka ha bịa n'ịchụ aja ahụ. Mgbe ha bịaruru, Samuel hụrụ Eliab, nwa Jese, chee n'obi ya, sị “Onye a guzo n'ebe a n'ihu Dinwenu, ga-abụrịrị onye ahụ ọ họpụtara.” Ma Dinwenu sịrị ya, “Elekwala anya na mma ya na n'ogologo ya. Ajụla m ya, n'ihi na anaghị m ahụ otu mmadụ sị ahụ: Mmadụ na-ahụ elu ahụ, ma mụ onwe m na-ahụ ime mmụọ,” Jese wee kpọọ nwa ya bụ Abinadab, meekwa ka ọ gafee n'ihu Samuel. Ma Samuel sịrị, “Dinwenu ahọrọghị nke a,” Jese kpọpụtakwara nwa ya bụ Shama. Ma Samuel sịrị, “Mba! Dinwenu ahọpụtaghị nke a. Jese kpọpụtara ụmụ ya ndị nwoke asaa gosị Samuel. Ma Samuel sịri ya, “Mha! Dinwenu ahọpụtaghị nke ọbụla n'ime ndị a.” Ọ jụrụ Jese sị, “Ụmụ gị ndị nwoke niile agwụla ha? Jese azaa ya sị, “Ọ fọdụrụ nke ọdụdụ. Ma lee ọ gara ịzụ atụrụ.” Samuel sị ya, “Zie ozi ka a kpọọ ya. Anyị agaghị anọdụ ala iri ihe ruo mgbe ọ bịara.” Jese wee zie ozi ka a kpọọ ya. Ọ bụ nwaokorobịa mara mma, na-acha ezigbo ọcha, nwere mkpụrụ anya mara mma. Dinwenu gwa Samuel, “Nke a bụ onye ahụ. Bilie, tee ya mmanụ.” Samuel were mmanụ ahụ wụkwasị Devid, n'ihu ụmụnne ya. Mmụọ nke Dinwenu wee dakwasị Devid, nọnyekwara ya bido n'ụbọchị ahụ gaba. Samuel bilie, laa Rama.

Okwu nke Osebrwa

Read more: : 03. TUESDAY OF THE SECOND WEEK OF ORDINARY, YEAR B (IGBO)

WEDNESDAY OF THE SECOND WEEK OF ORDINARY, YEAR B (IGBO)

IHE GG NKE MB

Ihe gg ewetara n'Akwkw mb nke Samuel (17:32-33,37,40-51)

“Devid jiri ebe na okwute nweta mmiri ebe ndi Filistia”.

N'ụbọchị ndiahụ: Devid wee sị Sọl, “Onyenwe m, ụjọ atụla onye ọbụla maka onye Filistia nke a! Agam eje lụso ya agha.” Sọl zara ya sị, “mba! Olee otu ị ga-esi alụso ya agha? Ị bụ nwata. Ma ya onwe ya bụ onye agha ogologo ndụ ya niile!” Dinwenu, onye napụtara m n'aka ọdụm na anụ ndọgbu, ga-anapụtakwa m n'aka onye Filistia nke a.” Sọl wee sị, “Ọ dị mma. Jee Osebụrụwa ga-anonyekwara gị.” O were mpanaka ọ na-eji achị atụrụ, tụtụrụkwa okwute ise na-akwọ mụrụmụrụ n'ime mmiri iyi, tinye ha n'ime akpa ya. O were ebe ya, pụọ izute Goliat. Onye Filistia ahụ na onye na-eburu ya ọta ji nwayọọ na-abịa nsọ n'ebe Devid nọ. Mgbe onye Filistia ahụ bịaruru nso, o lezuru Devid anya, wee lelịa ya, n'ihina ọ bụ nwata, makwaa mma ile anya. O wee sị Devid, Gịnị ka ị ji osisi nke a ị kpa n'aka eme? Ị chere na abụ m nkita nke na ị jiosisi abịa ebe m nọ?” O jiri aha chi ya kpọọ Devid iyi. O cheere Devid aka ọgụ, sị, “Bịa, ka m dọrie gị, were anụ gị fesaara ụmụnnụnụ na anụmaanụ nke ọhịa.” Devid zara Goliat, sị, “Ị ji mmaagha, ogologo ube na mkpụmkpụ ube na-abịakwute m. Ma mụ onwe m ji aha Dinwenu, Chineke igwe ndịagha na-abịakwute gị, nke bụ Chineke nke ndịagha Izrel, onye I lelịrị. Ụbọchị taa ka Dinwenu ga-etinye gị n'aka m. Aga m egbukwa gị, bepụ gị isi. Aga m ewerekwa ozu ndịagha Filistia nye ụmụnnụ nke igwe na anụmaanụ nke ọhịa ka ha jiri mere ihe oriri. Mgbe ahụ ụwa niile ga-amata na Izrel nwere Chi. Mmadụ niile ga-amata na Izrel na ọ bụghị mmagha na ube ka Dinwenu ji enye mmeri, n'ihina Dinwenu nwe mmeri n'agha nke a. Ọ ga-enyekwa unu niile n'aka anyị”. Goliat ebilie ijeru Devid nso ọzọ, Devid mere ngwa, gbaa ọsọ, ruo n'ọgbọ agha ndị Filistia ibụso Goliat agha. O tinyere aka n'ime akpa ya, wepụta otu okwute ahụ gbaa ya Goliat n'egedege ihu. Okwute ahụ baruru n'ụbụrụ ya. Goliat wee daa, kụọ ihu n'ala. Otu a ka Devid siri jiri ebe na okwute gbuo Goliat, na-ejighị mmaagha. Devid gbaara ọsọ, garuo ebee Goliat tọgbọrọ zọdo ya ụkwụ, miri mmaagha Goliat n'ọbọ ya, bepụ ya isi, ọ nwụọ. Mgbe ndị Filistia hụrụ na dike ha anwụọla, ha wee gbalaga.

Okwu nke Osebrwa

Read more: : 04. WEDNESDAY OF THE SECOND WEEK OF ORDINARY, YEAR B (IGBO)

THURSDAY OF THE SECOND WEEK OF ORDINARY, YEAR B (IGBO)

IHE GG NKE Mb

Ihe gg ewetara n'Akwkw mb nke Samuel (18:6-9;19:1-7)

“Nna m b Sl na-ach igbu g.”

N'ụbọchị ndiahụ: Mgbe Devid gbuchara Goliat, ya na ndịagha Izrel na-alọta, ụmụ nwaanyị obodo Izrel niile pụtara izute Sọl. Ha ji abụ na egwu; na-akpọ ụbọ, na-egbu opi. N'egwu ọńụ ha, ha na-agụ sị, “Sọl gburu puku kwuru puku, Devid egbuo iri puku kwuru iri puku”. Abụ a were Sọl iwe nke ukwuu. O wee sị, “Ugbu a, ha enyela Devid iri puku kwuru iri puku, nye m naanị puku kwuru puku. Gịnị ọzọ fọdụrụ na-abụghị inyekwa ya ocheeze m!” ya mere Sọl bidoro na-enwere Devid anyaụfụ, na-enyo ya enyo bido ụbọchị ahụ gaba. Sọl gwara nwa ya Jonatan na ndịodibo ya niile ebumnuuche ya igbu Devid. Ma Jonatan hụrụ Devid n'anya nke ukwuu, nke mere na ọgwara Devid sị, “Nna m na-achọ igbu gị. Ya mere, kpachara anya n'ụtụtụ echi. Zoo onwe gị n'otu ebe nzuzo,nọdụkwa n'ebe ahụ. Aga m apụ, guzo n'akụkụ nna m n'ọhịa ebe ahụ ị ga-ezo. Aga m agwakwa ya okwu maka gị. Ihe ọbụla m chọpụtara aga m eme ka ị mara.” Jonatan toro Devid n'ihu nna ya Sọl, sị, “Emekwala odibo gị bụ Devid ihe ọjọọ, n'ihina ọ dịghị ihe ọbụla o mere gị, kama, ihe niile ọ mere bụ maka ọdịmma nke gị. Ọ lịrị ndụ ya mgbe ọ gburu Goliat, Dinwenu siri n'aka ya nye Izrel nnukwu mmeri. Mgbe ị hụrụ ihe o mere, obi tọrọ gị ụtọ. Gịnị mere ị ga-eji egbu onye aka ya dị ọcha, site n'igbu Devid enweghị ihe o mere?” Ihe Jonatan gwara Sọl juru ya afọ. O wee ńụọ iyi n'aha Dinwenu na ya agaghị egbu Devid. Jonatan kpọrọ Devid, kọọro ya ihe niile. E mechaa, ọ kpọjere ya Sọl. Devid wee gbawakwara Sọl odibo dịka na mbụ.

Okwu nke Osebrwa

Read more: : 05. THURSDAY OF THE SECOND WEEK OF ORDINARY, YEAR B (IGBO) (2)

FRIDAY OF THE SECOND WEEK OF ORDINARY, YEAR B (IGBO)

IHE GG NKE MB

Ihe gg ewetara n'Akwkw mb nke Samuel (24:3-21)

“Agagh m eseti aka m megide ya n'ihi na b Onye Dinwenu tere mman

N'ụbọchị ndi ahụ: Sọl chịrị puku ndịagha atọ ndị kachasị ike n'usu ndị agha Izrel niile jee n'akụkụ ọwụwa anyanwụ nke ebe a na-akpọ 'Nkume Ewuọhịa,' ịchọ Devid na ndịagha ya. Ọ bịaruru n'otu ọgba, nke dị nso n'ogịge igweatụrụ dị n'akụkụ ụzọ, banye ebe ahụ izu ike, ma ọ maghị na Devid na ndịagha ya zoro n'ime ime ọgba ahụ. Ndịagha Devid gwara ya sị, “Nke a bụụrụ gị ohere! Dinwenu gwara gị na ya ga-etinye onyeiro gị n'aka gị, ka I mee ya otu ọ masịrị gị,” Devid wee gbere egbere, jiri nzuzo bepụ ọnụ uwe mwụda Sọl, ma Sọl amataghị. E mechaa, obi Devid bidoro tawa ya ụta. Ọ gwara ndịagha ya, sị, “Chukwu ekwela ka m setịa aka mee nna m ukwu ihe ọjọọ, bụ onye o tere mmanụịbụ eze! Agaghị m emerụ ya ahụ ma ọlị, n'ihina Dinwenụ họpụtara ya ịbụ eze!”. Site n'ụzọ dị otu a, Devid gbachiri ndịagha ya imerụ Sọl ahụ. Sọl wee bilie, hapụ ọgba ahụ, malitekwa ije ya. Devid biliri, sochie Sọl azụ, kpọọ ya oku, sị, “Onyenwe m eze! Sọl tụgharịrị, Devid akpọọrọ ya isi ala na nsọpụrụ. Devid gwara ya, “Gịnị mere I ji ekwere asị ndị mmadụ na-atụrụ gị na m chọrọ igbu gị? Lee, taa, I jila anya gị hụ otu Chukwu siri tinye gị n'aka m n’ime ọgba ebe a. Ụfọdụ ndịagha m sịrị m gbuo gị. Ma emeere m gị ebere dịka nna m ukwu, achọghịkwa m ịmerụ gị ahụ ma ọlị, n'ihi na ị bụ onye Dinwenu tere mmanụ ịbụ eze. Lee, nna m! Ị hụla uwe mwụda gị n'aka m? Na m bepụrụ ọnụ uwe gị, hapụ igbu gị, ga-egosị gị na achọghị m ime gị ihe ọjọọ ọbụla, ma ọ bụ inupụisi n'ọchịchị gị. Ọ dịghị ihe ọjọọ ọbụla m mere gị, ma gị onwe gị na-achụ m iwepụ ndụ m. Chineke jiri aka ya kpee ikpe n'etiti mụ na gị mara onye mejọrọ ibe ya. Ya bọtara m ọbọ n'ahụ gị n'ihi ihe ọjọọ ị na-eme m. Ma agaghị m esetị aka m imegide gị ma ọlị. Gị onwe gị amarala ilu ochie ahụ, 'site n'ime ndị obi ọjọọ ka ihe ọjọọ sị apụta.' Ma agaghị m esetị aka m imegide gị. Lee obere nwa eze Izrel na-achọ igbu! Lee nwatakịrị ị na-achụgharị! Ihe ọ na-achụgharị bụ naanị nwa nkịta nwụrụ anwụ, na nwa igwu! Dinwenu ga-abụ onye ọkaikpe n'etiti mụ na gị, mara onye mejọrọ ibe ya. Ka o lebaa anya n'ihe a, chekwaba, ma zọpụta m n'aka gị” Mgbe Devid gwasịrị Sọl okwu ndị a, Sọl sịrị ya, “Onye a, ọ bụ gị n'ezie, nwa m Devid?' Sọl wee kwaa akwa. Ọ sịrị Devid, “Ị bụ onye eziomume karịa m, n'ihina gị onwe gị emeerela m ọtụtụ ezi ihe. Ma mụ onwe m ewerela ihe ọjọọ kwughachị gị ụgwọ. Taa, I gosịla ka obi gị siri dị ọcha n'ebe m nọ, n'ihi na I gbughị m na-agbanyeghị na Dinwenu tinyere m n'aka gị. Ọ dịghị mfe mmadụ inwude onyeiro ya hapụ ya, ghara imerụ ya ahụ! Chukwu gọzie gị n'ihi ihe I mere m taa! Ugbu a, o weela m anya na ị ga-abụrịrị eze Izrel, na alaeze Izrel ga-eguzosịkwa ike n'aka gị. Ya mere, were aha Dinwenu ńụọrọ m iyi na ị ga-edobe ndị agbụrụ m, ka a ghara ichezọ aha m na nke ezinụụlọ nna m.”

Okwu nke Osebrwa

Read more: : 06. FRIDAY OF THE SECOND WEEK OF ORDINARY, YEAR B (IGBO)

SATURDAY OF THE SECOND WEEK OF ORDINARY, YEAR B (IGBO)

IHE GG NKE MB

Ihe gg ewetara n'akwkw abụọ Samel dere (Samuel. 1:1-4.11-12.19.23-27)

“Lekene ka nd dike siri daa n'agha”

Mgbe ọnwụ Sọl gachara, Devid siri na mmeri o meriri ndị Amalek lọta, wee nọọ ụbọchị abụọ na Ziklag. N'ụbọchị nke atọ, otu nwoke siri n'ogige agha Sọl lọta. Uwe ya niile dọwara adọwa; aja dịkwa n'sis ya. O jekwuru Devid, daa n'ala, kpọọrọ ya isiala. Devid, jụrụ ya, sị, “Olee ebe I sị bia?” Ọ zara sị, “Esiri m n'ogige agha ndị Izrel; Sol na Jonatan nwa ya sokwa na ndị e gburu n'agha.” Devid wee dọwaa uwe ya n'iwe. Ndị ya na ha nọ mekwaa out ahụ. Ha tiri aka n'obi, ruo ụjụ, buo ọnụ ruo n'abalị, n'ihi Sọl, na Jonatan nwa ya, na n'ihi ndị nke Chukwu na ezinụụlọ Izrel maka na ọtụtụ n'ime ha nwụrụ n'agha. O Izrel, n'elu ugwu gị ka egburu ebube gị, lekene ka ndị dike siri daa! Sọl na Jonatan sị ụtọ, hụrịta onwe ha n'anya. Ha enweghị nkewa ma na ndụ ma n'ọnwụ. Ha dị garagara karịa ugo, dịkwa ike karịa ọdụm. Ụmụnwaanyị Izrel, beerenụ Sọl akwa! Onye na-eyiwe ụnụ uwe uhie, na akwa dị mma, Onye na-etinye ọlaedo mara mma n'uwe ụnụ. Lekene ka ndị dike siri daa n'ọgbọ agha! O Jonatan, ọnwụ gị emerụọla  ma ahụ. Obi agbawaala m n'ihi gị, nwanne m jonatan: Ị dị ụtọ nke ukwuu n'ebe m nọ! Ịhụnaanya ị hụrụ m dị ịtụnaanya. Ọ karịrị ịhụnaanya nwaanyị. Lekene ka ndị dike siri daa n'agha! Ngwaagha ha, si otu a laa n'iyi!

Okwu nke Oseburuwa

Ekele diri Chukwu.

Read more: : 07. SATURDAY OF THE SECOND WEEK OF ORDINARY, YEAR B (IGBO)