UKWE MBATA

Dinwenụ Chineke anyi, zọpụta anyị; si n’ala mba kpọkọta anyị ọnụ, ka anyị kenee aha gi di nso, wee ṅụria oṅu n’ito gi.(Abụ 105:47)

EKPERE MMEGHE

Dinwenụ Chineke anyị, biko nyere anyị aka ka anyị were obi anyị nile na-asọpụrụ gi; ma weere ezi obi na-ahụ mmadụ ibe anyị n’anya.  Site na Dinwenụ anyị Jesu Kristi Nwa gi, onye gi na ya di ndụ na-achi, na ịdịkọ n’otu nke Mmụọ Nsọ, otu Chukwu site n’ụwatụ nile. Amen.

EKPERE NHUNYE

Onyenweanyị, anyị na-ario gi, ka onyinye ndi a anyị bụ ụmụ odibo gi na-ebute n’ebe nchụaja gi masị gi inaranụ. Biko, mee ka ha ghọọrọ anyị ihe ọgbụgba ndụ nke nzọpụta anyị.  Site na Kristi Dinwenụ anyị.

UKWE ORIRI NSO

Ka ihuọma gi chakwasị nwodibo gi.  Were ebere na ihụnanya gi zọpụta m. O Dinwenụ, ekwela ka ihere megbuo m, makana akpọkuola m gi.  (Abụ 30:17-18)

EKPERE ANATACHA ORIRI

O Chukwu, iji onyinye nke nzọpụta wee zuo anyị, biko, anyị n’arịọ gi, site n’enyemeka nke nzọpụta nke a di ebeebe, mee ka ezigbo okwukwe n’abawanye mgbe niile.   Site na Kristi Dinwenụ anyị.

 MONDAY OF THE FOURTH WEEK OF ORDINARY TIME, YEAR B

IHE GG NKE MB

Ihe gg ewetara n'Akwkw abụọ nke Samuel (15:13-14,30;16:5-13)

Ka any gbanaha Absalm. Ka anyi hapu Shimei, ka na kp iyi; maka na Dinwenu enye go ya ikike.

N'ụbọchị ndi ahụ: Otu onyeozi wee kọọrọ Devid sị, “Ndị Izrel atụgharịala sobe Absalọm.” Devid wee sị ndị niile na-ejere ya ozi na ndị ya na ha nọ na Jerusalem, “Bilienụ, ka anyị gbapụ na Jerusalem n'atụfụghị oge! Ọ bụrụ na anyị emeghị ngwa ngwa, anyị agaghị agbanaha Absalọm! Ngwanụ! Ọ ga-erute ebe a n'oge na-adịghị anya, merie anyị, gbuokwa ndị niile bi n'obodo a!” Devid wee rigoro Ugwu Oliv, na-akwa akwa. O yipuru akpụkpọ ụkwụ, kpuchịkwaa isi ya iji gosi na ya na-eru uju. Ndị niile so ya kpuchikwara isi ha, na-akwakwa akwa ka ha na-aga. Mgbe eze Devid bịaruru Bahurim, otu onye ikwu Sol, aha ya bụ Shimei nwa Gera, pụtara izute ya, na-akpọ ya iyi ka ọ na-apụta. Shimei malitere ịtụ Devid na ndị so ya okwute. Ọ tụghịkwa egwu ndịagha Devid na ndị na-eche ya nche gbara ya gburugburu. Shimei wee na-akpọ Devid iyi isi, “Pụọ! pụọ! Gị, onye ogbu mmadụ na onye ụrụ! I  naara Sọl alaeze ya n'anya ike. Ugbu a, Osebụrụwa enyela gị ahuhụ n'ihi otụtụ ndị ezinụụlọ Sọl ị gburu. Osebụrụwa ewerela alaeze gị nye Absalọm nwa gị. Lee, ihe ọjọọ I metara adakwasala gị n'isi, gị onye ogbu mmadụ!” Abishai, onye nne ya bụ Zeruya, wee sị eze, “Onyenwe m eze! Gịnị mere nkita nke a nwụrụ anwụ ji akparị gị? Biko ka m jee ebe ahụ bepụ ya isi!” Eze gwara Abishai na nwanne ya Joab sị, “Nke a agbasaghị unu. Ọ bụrụ na ọ na-akpọ m iyi n'ihi na Dinwenu sị ya kpọọ m iyi, kedu onye nwere ikikere ijụ ihe kpatara ọ jị akparị m? Ọ sịkwara Abishaị na ndịọzọ niile na-ejere ya ozi, “Lee, nwa m mụrụ n'afo m na-achọ ụzọ igbu m. ọ ga-esi ańaa gba unu gharịị na onye Benjamin a na-akparị m? O bụ Dinwenu sị ya kparịwa m, ya bụ hapụnụ ya ka ọ na-akpọ m iyi. Eleghị anya Dinwenu ga-eji maka nhụju anya m, nyezie m ọtụtụ ngozi n'ọnọdụ iyi ọ kpọrọ m.” Ya mere Devid na ndị so ya malitekwara ije ọzọ.

Okwu nke Osebrwa

Read more: : 02. MONDAY OF FOURTH WEEK OF ORDINARY TIME, YEAR B

TUESDAY OF THE FOURTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'Akwkw abụọ nke Samuel (18:9-10,14,24-25,30-19:3)

Nwa m Absalm! ga-akara m nọọ mma a s na m nwr n'nd g.

N'ụbọchị ndi ahụ: Na mberede, Absalọm zutere ụfọdụ n'ime ndịagha Devid. Ọ nọkwa n'elu ịnyịnye ya na-aga. Mgbe ọ na-agafe n'okpuru nnukwu osisi Ook, ntutuisi Absalọm tụhịkwara n'alaka osisi Ook ahụ. Absalọm ekoro n'elu, ịnyịnya ya agbafere. Out onye n'ime ndịagha Devid hụrụ ya, kọọrọ Joab sị, “Ahụrụ m Absalọm ka o kooro n'osisi Ook!” Joab gwara ya sị, “mụ na gị agaghị anọ n'ebe a na-egbu oge.” O were ube ọnụ atọ mawaa Absalọm obi mgbe ọ ka dị ndụ n'elu osisi Ook ahụ o kọọrọ. Devid no n'etiti ọnụ ụzọ ime na nke mpụta Jerusalem. Onyenche rigooro n'elu aja ọńụụzọ ama obodo ahụ, hụ otu nwoke na-agbata ọsọ. Ọ kpọrọ eze gwa ya ihe ọ hụrụ. Eze asị ya, “Ọ bụrụ sọ naanị ya, o ji ozi ọma na-abịa.' Onyeozi ahụ abịasie ike, rute nso. Eze sịrị ya, “Jee kwụrụ n'akụkụ.” O wee nọzụga, kwụrụ n'ebe ahụ. Onye Kush ahụ bụ odibo bịaruru sị eze Devid, “Ewetaara m onyenwe m eze oziọma! Taa, Osebụrụwa enyela gị mmeri n'ebe ndị niile biliri imegide gị nọ!” Eze jụrụ ya sị, “Nwaokorobịa ahụ bụ Absalọm, ọ nọ ndụ?” Odibo ahụ zara sị, “Ka ndịiro onyenwe m eze, na ndị niile biliri imegide ya dịka nwaokorobịa ahụ!” O wutere eze nke ukwuu. Ọ rịgoro n'ụlọ elu nke ọńụụzọ ama, nọrọ ebe ahụ kwaa akwa. Ka ọ na-eje, ọ na-akwa akwa sị, “Nwa m Absalọm! Nwa m, nwa m Absalọm! Ọ ga-akara m nọọ mma a sị na m nwụrụ n'ọnọdụ gị. Absalọm, nwa m, nwa m!” Joab nụrụ na eze Devid na-akwa akwa, na-eru uju maka Absalọm. Ọńụ mmeri wee tụgharịa ghọọrọ ndịagha Devid niile iru uju n'ụbọchị ahụ, maka na ha nụrụ na eze na-eru uju n'ihi nwa ya. Ha jiri nwayọọ banye n'ime obodo dịka ndịagha ji ihere na-agbalaga n'agha.

Okwu nke Osebrwa

Read more: : 03. TUESDAY OF THE FOURTH WEEK OF ORDINARY, YEAR B (IGBO)

WEDNESDAY OF THE FOURTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'Akwkw abụọ nke Samuel (24:2,9-17)

Naan m mehiere g. Ikpe makwara m . Igwe mmad nd a, gn ka ha meere?

N'ụbọchị ndi ahụ: Devid wee nye onyeisi ndịagha ya, bụ Joab iwu sị, “Gị na ndịagha Gị jegharịa n'agburu Izrel niile, site na Dan ruo Bịasheba, gụọnụ ndị Izrel ọnụ. Achọrọ m ima ọnụogụgụ ha.” Joab wee gwa eze ọnụọgụgụ ndị mmadụ: narị puku asatọ bụ ndị nwoke ruru ogo ije agha n'Izrel. Narị puku ise bụkwa ndị ruru n'ije agha na Juda. Ma akọnuuche Devid tara ya ụta mgbe ọ gụchara ndị Izrel ọnụ. O wee sị Dinwenu, “Emehiela m nke ukwu n'ihe a m mere! Biko, gbaghara m; n'ihina akpaala m agwa ka onye nzuzu.” Mgbe ?Devid tetara ụra n'ụtụtụ, Dinwenu ezielarị onye ọhụụzọ Devid bụ onye amụma Gad sị: “Gaa gwa Devid na ana m eche ahụhụ atọ n'ihu ya, ya họrọ otu n'ime ha m ga-enye ya.” Gad jekwuuru ya, gwa ya ihe Dinwenu kwuru. Ọ jụkwara ya sị, “Ole nke ị họọrọ: Ọ bụ oke ụnwụ afọ atọ, n'ala gị, ka ọ bụ ka ịgbaa ọsọ ndụ n'ihu ndịiro gị ọnwa atọ, ka ọ bụ ajọ ọrịa na-efe efe idakwasị ala gị ụbọchị atọ? Ugbu a, chebara ya uche, gwa m ọsịsa m ga-eweghachiri onye zitere m. Devid zara ya, “Amaghị m nke m ga-ahọrọ na nke a! Achọghị m ịdaba n'aka mmadụ. Kama Dinwenu jiri aka ya nye m ahụhụ n'ihina ama m na o nwere obi ebere nke ukwuu.” Ya mere, Dinwenu zitere a ajọ ọria na-efe efe site n'ụtụtụ ahụ ruo mgbe ahụ ọ kara. Bido na Dan ruo Biasheba, iri puku asaa nke ndị Izrel nwụrụ n'ọrịa ahụ. Mgbe mmụọọma nke Osebụrụwa na-achọ imebi Jerusalem, Dinwenu gbanwere obi ya banyere ahụhụ ọ nyere ndị Izrel. O wee gwa mmụọọma ahụ na-egbusị ha, “Kwụsị! O zuola”! Mgbe ahụ, mmụọọma ahụ nọ n'akụkụ ebe nzọcha ọka nke Arauna, onye Jebus. Mgbe Devid hụrụ mmụọọma ahụ nke na-egbusi ndị Izrel, ọ sịrị Dinwenu, “Lee, naanị m mehiere gị. Ikpe makwara m. Igwe mmadụ ndị a, gịnị ka ha meere? Biko nye m na ezinụụlọ nna m ahụhụ ma hapụ ha.”

Okwu nke Osebrwa

Read more: : 04. WEDNESDAY OF THE FOURTH WEEK OF ORDINARY, YEAR B (IGBO)

THURSDAY OF THE FOURTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'Akwkw mb nke Ndeze (2:1-4.10-12)

“Oge nw m erubela. Ya b kwsie ike ma gosikwa na b nwoke.

Mgbe oge ọnwụ Devid rubere, ọ kpọrọ nwa ya bụ Solomọn nye ya ndụmọdụ ikpeazụ sị, “Oge ọnwụ m erubela. Ya bụ kwụsie ike ma gosikwa na ị bụ nwoke, na-eme ihe Dinwenu Chineke gị chọrọ ka ị mee, na-aga n'ụzọ ya, na-edobekwa iwu ya niile, na ntọnala ya, na ntụziaka ya dịka e dere ya n'iwu Mosis, ka ihe na-agara gị n'ihu n'ihe ọbụla ị na-eme, Chineke ga-emejupụtakwa nkwa ahụ ọ kwere m sị, 'ọ bụrụ na ụmụ gị ga-akpachapụ anya, were obi na mmụọ ha niile na-aga n'ụzọ m, a gaghị achọ ụmụ gị achọ n'oche eze nke Izrel.' E mechaa Devid anwụọ, e lie ya n'obodo Devid. Devid chịrị ụmụ Izrel iri afọ anọ; afọ asaa na Hebrọn, afọ iri atọ na atọ na Jerusalem. Solomọn nọchiri nna ya dịka eze. Alaeze ya kwudosiri ike nke ukwuu.

Okwu nke Osebrwa

Read more: : 05. THURSDAY OF THE FOURTH WEEK OF ORDINARY, YEAR B (IGBO) (2)

FRIDAY OF THE FOURTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'Akwkw mb nke Sirak (47:2-11)

Devid jiri obi ya niile too Dinwenu Chukwu ma hukwa ya na anya.

Otu e sị ahọpụta abụba iche ma a chụba aja nke udo, otu ahụ ka e siri họpụta Devid site n'ụmụ ndị Izrel. Devid na ọdụm gwuriri egwu ka a ga-asị na ha bụ ụmụatụrụ. N'okorobịa ya, ọ bụ na ọ bụghị ya gburu odogwu ahụ gbafere dịmkpa oke bụ Goliat? Wee hichapụ ndị mmadụ ihere n'ihu, oge o tinyere okwute na ntụiche ya, tụdaa Goliat na ntumọnụ ya? Maka na ọ kpọkuru Onyenweanyị, bụ Onyekachaelu, o nye ya ike n'aka nri ya iji gbuo nwoke a bụ dike n'agha, siri otu ahụ bulie ike nke ndị nke ya elu. Ya mere ndị mmadụ jiri tobe ya oge ha kpuwere ya okpueze maka ọtụtụ puku ndịiro o gburu na maka ngọzị dị icheiche Onyenweanyị nyere ya. O gbuchapụrụ ndịiro ya n'akụkụ niile; kpochapụkwa ndị Filistia na-enye ya mmekpaahụ, kụdakwa ike ha n'ala ruo taa. N'ọrụ ya niile, Devid nyere Onyekachaelu ekele, dokwaa ya ebube, ọ hụrụ onye kere ya n'anya wee were obi ya niile kweere ya ukwe otito. O tinyere ndị ukwe n'ụlọnsọ ka ha na-ekwe ukwe mara mma. Ọ bụ ya nyere mmemme dị icheiche ebube ha, tinyechaa ha n'oge kwesịrị ha n'ime afọ; mee ka a na-eto aha dị nsọ nke Onyenweanyị na ka ụlọnsọ jụpụta n'ụda nke otito bido n'ụzọ ụtụtụ. Onyenweanyị gbaghaara ya mmehie ya niile, wee mee ka ike ya dị elu ebighịebi. O nyere ya ọgbụgbandụ nke ndịeze, nyekwa ya ocheeze dị ebube n'Izrel.

Okwu nke Osebrwa

Read more: : 06. FRIDAY OF THE FOURTH WEEK OF ORDINARY, YEAR B (IGBO)

SATURDAY OF THE FOURTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'Akwkw Ndeze nke mb (3:4-13)

Nye m amamihe zuru oke nke m ga-eji kpee ikpe nkwmt,

N'ụbọchị ndi ahụ: Solomọn gara n'ugwu Gibiọn ịchụ aja, n'ihi na ọ bụ ebe nchụaja nke kacha elu. Ọ chụọlarịị aja nsureọkụ ruru otu puku ebe ahụ n'oge gara aga. N'abalị ahụ n'ugwu Gibiọń, Dinwenu bịakwuteree ya na nro jụọ ya sị “Ole ihe ị chọrọ ka m mere gị” Solomọn zara ya sị, “I gosịrị nna m Devid ịhụnaanya dị ukwu, onye nke bụ nwodibo gị, onye mere iheọma, onye nwere nrubeisi nakwa onye eziokwu. Ị nọkwa na-egosi ịhụnaanya gị n'ebe ọ nọ site n'inye ya nwa nke nọchiri ya dịka eze. Dinwenu, Chineke m, ị meela ka m nọchie anya nna m dịka eze, mana aka m bụ nwantakịrị amaghị ka e si achị ọchịchị. Lee nwodibo gị nọ n'etiti ndị ị họọrọ ka ha bụrụ ndị nke gị, ndị nke apụghị ịgụta ọnụ. Biko nye m amamihe zuru oke nke m ga-eji kpee ikpe nkwụmọtọ, chịa ndị nke gị, ka m wee marakwa ihe dị iche n'etiti iheọma na ihe ọjọọ. Ọ bụrụ na ọ bụghị otu a, onye nwere ike ịchịkọta ndị nke gị a dị ukwuu? Obi tọrọ Dinwenu ụtọ n'ihi na Solomọn rịoro nke a. O wee sị ya, “Maka na ị rịọrọ amamihe nke ikpe nkwụmọtọ, karịa ndụ ogologo ma ọ bụ ụba, ma ọ bụ ọnwụ nke ndịiro gị, aga m enyekwa gị ihe ndị ahụ ị rịọrọ m. Aga m enye gị amamihe na nghọta karịa nke onye ọbụla ma ugbu a ma ọ bụ n'ọdịniihu. Aga m enyekwa gị ihe ndị nke ị rịọghị m: na ndụ gị niile ị ga-enwe akụnụụba, na nsọpụrụ karịa nke eze ọbụla nwere.

Okwu nke Osebrwa

Read more: : 07. SATURDAY OF THE FOURTH WEEK OF ORDINARY, YEAR B (IGBO)