FIFTH WEEK OF ORDINARY, YEAR B (IGBO)

UKWE MBATA

Bianụ k’anyị sekpuoro Chukwu.  Ngwanụ k’anyị kpọọ isi ala n’ihu Osebụrụwa Onye kere anyị, n’ihi na Ọ bụ Osebrụwa Chukwu anyị. (Abụ 94:6-7)

EKPERE MMEGHE

Were obiọma gi na-enweghi atụ chekwaba ezi-na-ụlọ gi, O Osebrụwa,  ebe ọ bụ na nchekwube ya niile di n’amara gi si n’eluigwe, biko, mee ka o na-enwe nchedo gi oge niile.  Site na Dinwenụ anyị Jesu Kristi Nwa gi, onye gi na ya di ndụ, na-achi n’ịdịkọ n’otu nke Mụọnsọ,otu Chukwu site n’ụwatụwa nile. Amen.

EKPERE NHUNYE

O Osebrụwa Chukwu, I mebere ihe ndia ekere eke ka ha wee kwanite adịghị ike nke anyị, mee, anyị n’arịọ gi, ka ha ghọrọ anyị ugbua, sakramenti nke ndu ebeebe.  Site na Kristi Dinwenụ anyị.

UKWE ORIRI NSO

Ka ha kele Dinwenu maka ebere ya, maka ọrụ ebube ya n'ebe umu mmadụ nọ, maka na ọ na-enye mkpụrụ obi akpiri na-akpọ nkụ mmiri, na enyekwazi ndị agụụ na-agu ezi ihe.Abụ 106:8-9)

EKPERE ANATACHA ORIRI

O Chukwu, ọ bụ ihe di gi mma k’anyị niile keta oke n’otu achịcha, ya na n’otu iko: mee, anyị na-arịọ gi, k’anyị na-ebi ndụ nke ịdikọ n’otu na Kristi, k’anyị wee jiri anụrị mịta ezi mkpụrụ maka nzọpụta nke ụwa nile. Site na Kristi Dinwenụ anyị.

 

 MONDAY OF THE FIFTH WEEK OF ORDINARY TIME, YEAR B

IHE OGG NKE MB

Ihe gg Ewetara N'akwkw Ndeze nke mb (8:1-7,9-13)

Ha butere Igbe gbugbaandu nke Dinwenu n'ebe onodu ya, urukpu wee jupta n'ime l nke Dinwenu.

N'ụbọchị ndị ahụ: Solomọn kpokotara ndị okenye umu Izrel niile na ndị isi agbụrụ niile, na ndị ndu ogbe niile nke Izrel na Jerusalem ka ha bute ihe Igbe ọgbugbandu nke Dinwenu site n'obodo Devid bu Zayon. Umunwoke niile nke Izrel gbakotara n'ihu Solomọn na mmemme nke ana-eme n'onwa Etanim nke bụ onwa nke asaa. Ndiokenye niile nke Izrel biara, ndị Ukochukwu buuru Igbe ogbugbandu. Ha butere Igbe ọgbugbandu nke Dinwenu n'ulo nzuko na ite nso niile ndị dị n'ulọnzụkọ ahu, ndị ukochukwu na ndị Levai butere ha. Eze Solomon na ogbako Izrel niile nọ n'ihu Igbe ahu, were igwe aturu na ehi kariri iguta onu na-achu aja. Ndị Ukọchukwu butere Igbe ọgbugbaandu nke Dinwenu n'ebe onodu ya n'ebe kachasi nso nke ulonso n'okpuru nku cherubim. Cherubim gbasapụrụ nku ha n'ebe igbe dị, nke a meree na nku ha kpuchiri igbe ahu na osisi ya. O nweghi ihe dị n'ime igbe ahụ karịa ibe okwute abụọ nke Mosis dobere ebe ahụ na Họreb, ebe Chineke na ụmụ Izrel gbara ndụ mgbe ha si n'Ijipt pụta. Mgbe ndị ụkọchukwu sị n'ebe nsọ ahụ pụta urukpu jupụtara n'ime ụlọ nke Dinwenu, nke mere na ndị ụkọchukwu enweghị ike inọdo chụọ aja n'ihi urukpu ahụ; maka na ebube nke Dinwenu jupụtara n'ụlọnsọ nke Chineke. Solomọn wee kwụọ sị, “Osebụrụwa emeela ka anyanwụ dị n'eluigwe, ma kwuo na ya ga-ebi n'oke ọchịchịrị. Arụọlara m gị ụlọ dị elu, ka ọ bụrụ ebe obibi gị ebeebe.”

Okwu nke Osebrwa

Read more: : 02. MONDAY OF FIFTH WEEK OF ORDINARY TIME, YEAR B

TUESDAY OF THE FIFTH WEEK OF ORDINARY, YEAR B (IGBO)

IHE OGG NKE MB

Ihe gg Ewetara N'akwkw Ndeze nke mb ( 8:22-23.27-30)

 I kwuru maka ya s, 'Aha m ga-ad na ya,' ka I wee nr ekpere nwodibo g na nke nd nke g Izrel.

 

N'ụbọchị ndị ahụ: Solomọn kwụụrụ n'ihu ebe nchụaja nke Chineke n'ihu ọgbakọ ụmụ Izrel niile wee chee aka ya n'elu sị, “Dinwenu Chineke nke Izrel, o nweghị Chineke dịka gị n'eluigwe mọbụ n'ụwa nke nwere ọgbụgbandụ na ịhụnaanya siri ike n'ebe ndị nke gị, ndị ji obi ha niile na-eso ụzọ gị nọ. “Ma, Chineke ọ ga-ebi n'uwa n'eziokwu? Lee, eluigwe agaghị aba gị, ma ya bụrụzie obere ụlọ a nke m rụrụ. Ma, nụrụ ekpere nwodibo gị, chee ntị n'arịrịọ ya; Dinwenu Chineke m, nụrụ mkpu akwa na ekpere nwodibo gị na-ekpe n'ihu gị ụbọchị taa. Ka anya gị dị oghe ehihie na anyasị ịlekota ụlọ a nke ị kwuru maka ya sị, 'Aha m ga-adị na ya' ka I wee nụrụ arịrịọ nwodibo gị na-arịọ n'ebe a. Nụrụ ekpere nwodibo gị na nke ndị nke gị Izrel ga-ekpe n'ebe a, nọrọ n'eluigwe ebe obibi gị nụrụ, ma mgbe ị nụrụ biko gbaghara.

Okwu nke Osebrwa

Read more: : 03. TUESDAY OF THE FIFTH WEEK OF ORDINARY, YEAR B (IGBO)

WEDNESDAY OF THE FIFTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'akwkw Ndeze nke mb (10:1-10)

Mgbe ezenwany nke Sheba hchara ka oke amamihe Solomn d.

N'ụbọchị ndị ahụ: Mgbe eze nwaanyị Sheba nụrụ ọtụtụ akụkọ gbasara Solomọn, ọ bịara ijụ Solomọn ajụjụ siri ike iji mata ma ihe ọ nụrụ ọbụkwa eziokwu. Ọ kpọọrọ ọtụtụ ndị na-eso ya bịa. Ha dukwa ọtụtụ ịnyịnyaibu bịa, ịnyịnyaibu ndị a bụ nde dị icheiche burukwa nnukwute ọlaedo, na nkume ndị dị oke ọnụ na ihe na-esi isiọma. Mgbe ọ bịakwutere Solomọn, o kwupụtara ihe niile o bụ n'uche bia. Solomọn zachara ajụjụ niile ọ jụrụ ya zaruo ala. O nweghị ajụjụ ọbụla nke gbara ya gharịị. Mgbe ezenwanyị nke Sheba hụchara ka oke amamihe Solomọn dị, hụ ụlọ eze o wuru, nri e dotere n'elu oche nri, ebee ndịọrụ ya bi, ka ụmụodibo ya sị ejere ya ozi, uwe ụmụodibo ya yi n'ahụ, ndị na-eburu ya iko ihe ọnụnụ, na aja nsureọkụ nke ọ chụrụ n'ụlọnsọ Dinwenu, o nwekwaghị ọnụ okwu. Ezenwaanyị a ewee gwa Solomọn sị, “Ihe niile m nuru n'ala m gbasara gị na amamihe gị bụ eziokwu. Ma ekwetaghị m ruo mgbe m jiri anya m hu. Ma n'eziokwu, akụkọ m nụrụ erughị ọkara ihe m hụrụ. Amamihe I nwere na ụba ị bara karịrị ka m siri nụ n'akụkọ. Ndịnwunye gị nwere isiọma, ụmụodibo gị nwekwara isiọma, ndị nọ n'ihu gị oge niile na-anụ okwu amamihe gị. Ngọzi dịri Dinwenu Chineke gị onye nwere mmasị n'ebe ị nọ wee dote gị n'ocheeze nke Izrel! Ọ bụ maka na Chineke hụrụ Izrel n'anya ka o jiri chie gị eze ka ị were ikpe nkwụmọtọ na ụzọ ziri ezi na-achị.” E mechaa o nye eze Solomọn ọlaedo dị puku kilogram anọ, nyekwa ya nnukwu ụda dị icheiche ya na okwute dị oke ọnụ. O nwebeghịkwa mgbe ụda ha ka nke a ezenwaanyị Sheba jiri bịa rutere Solomọn aka ọzọ.

Okwu nke Osebrwa

Read more: : 04. WEDNESDAY OF THE FIFTH WEEK OF ORDINARY, YEAR B (IGBO)

THURSDAY OF THE FIFTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'akwkw Ndeze nke mb (11:4-13)

“Ebe b na chgh idobe gbgband m na g, aga m anap g alaeze g, aga m ahapr nwa gi nwoke ochch otu agbr n'ihi nwodibo m Devid.”

Mgbe Solomọn mebeere okenye, ndị nwunye ya dunyere ya n'ife chi ndị mba ọzọ. Obi ya akwụdosikwaghị ike na Dinwenu Chineke ya dịka nke nna ya Devid. Solomọn efebezie Ashtọret, nke bụ chi ndị Sidọn na Milkọm, chi ọjọọ nke ndị Amọn. Solomọn mere ihe ọjọọ megide Dinwenu n'ihina ọ jighị obi ya niile fee Dinwenu dịka nna ya Devid siri mee, Solomọn rụrụ ebe dị elu maka Chemọsh, nke bụ chi ndị Moab, n'elu ugwu nke dị n'ọwụwa anyanwụ Jerusalem. Ọ rụkwara maka Mọlek, nke bụ chi ndị Amọn. Otu a ka o siri mere ndị nwunye ya niile ọ lụtara na mba. Ha nọ ebe ahụ na-achụnyere chi mba ndịọzọ aja na mgbaisiọma. Dinwenu wesaara Solomọn iwe n'ihina obi ya apụọla ebe Dinwenu Chukwu nke Izrel nọ, onye gosirila ya onwe ya ugboro abụọ; tiere ya iwu ka ọ ghara ifee chi ọzọ, ma ọ meghị ihe Dinwenu kwuru. Maka ihi ya Dinwenu gwara Solomọn sị, “Ebe ọ bụ na ị chọghị idobe ọgbụgbandụ mụ na gị ya na iwu ndị m nyere gị, aga m anapụ gị alaeze gị, were ya nye otu n'ime ụmụ odibo gị. Mana maka ihi nna gị Devid, agaghị m eme nke a mgbe ị ka dị ndụ. Aga m eme ya n'oge ọchịchị nwa gị. Ka ọ sila dị agaghị m anapụcha nwa gị alaeze a; aga m ahapụrụ ya ochịchị otu agbụrụ n'ihi nwodibo m Devid, na n'ihi Jerusalem obodo m jiri aka m họrọ.”

Okwu nke Osebrwa

Read more: : 05. THURSDAY OF THE FIFTH WEEK OF ORDINARY, YEAR B (IGBO) (2)

FRIDAY OF THE FIFTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'akwkw Ndeze nke mb (11:29-32:12:19)

Izrel n na nnupisi megide ezinụụl Devid.

N’oge ahu, ka Jeroboam sị na Jerusalem na-aga njem, onye amụma Ahija nke Shilo zutere ya n'ụzọ. Ha abụọ sọọsọ nọ n'ikpa. Ahija ya uwe ọhụrụ. Ahija ejide uwe ọhụrụ a o yi dọkasịa ya ụzọ iri na abụọ, wee gwa Jeroboam sị, “Were iri n'ime ha n'ihina Dinwenu Chineke nke Izrel kwuru sị, Lee aga m anapụta Solomọn alaeze ya, were agbụrụ iri n'ime ha nye gị Ọ ga-ejide otu agbụrụ, maka ihi nwodibo m bụ Devid ya na maka ihi Jerusalem, nkee bụ obodo m họọrọ n'ime agbụrụ niile dị n'Izrel. Site ụbọchị ahụ ruo taa ụmụ Izrel nọ na nnupụisi megide ezinụụlọ Devid.

Okwu nke Osebrwa

Read more: : 06. FRIDAY OF THE FIFTH WEEK OF ORDINARY, YEAR B (IGBO)

SATURDAY OF THE FIFTH WEEK OF ORDINARY, YEAR B (IGBO)

IHE GG NKE MB

Ihe gg ewetara n'akwkw Ndeze nke mb (12:26-32;13:33-34)

Jeroboam were laedo kpụọ m ehi abụọ.

N'ụbọchị ndị ahụ: Jeroboam chere n'obi ya sị, “Ka ihe sị diri, alaeze a ga-alaghachiri ụlọ Devid. Ọ bụrụ na ndị a na-agbago n'ụlọnsọ nke Dinwenu dị na Jerusalem ichụrụ ya aja, obi ha ga-atụgharị ebe Rehoboam eze nke Juda.” Ha ga-egbu m wee laghachikwuru Rehoboam eze Juda. Mgbe eze chechara nke a, o were ọlaedo kpụọ ụmụ ehi abụọ, gwa ụmụ Izrel, “Nke a bụ Chineke unu, onye kpọpụtara unu n'Ijipt.” O dobere otu na Betel dobe nke ọzọ na Dan. Nke a wee bụrụ ihe ọjọọ, n'ihina ndị mmadụ na-aga na nke dị na Betel na nke ọzọ dị ebee dị anya n'agbụrụ Dan. Jeroboam wugasịkwara ụlọ n'ebe dị elu were si n'etiti ndị mmadụ họpụta ndị ụkọchukwu ndị esighị n'agbụrụ Levaị. Jeroboam hiwekwara mmemme a ga na-eme mgbe ọnwa asatọ gbara abalị iri na ise, dika emume a ana-eme na Juda. Ọ chụnyeere ụmụ ehi ndị ahụ ọ kpụrụ aja, na Betel, dobekwa na ya ndị nchụaja n'ebe dị elu ahụ o wuru. Mgbe nke a gachara Jeroboam esighị n'ụzọ ọjọọ ya pụta kama ọ na-eme onye ọbụla chọrọ ibụ Ukọchukwu, ụkọchukwu maka ebe ndị ahụ dị elu. Ihe nke a wee bụụrụ ezinụụlọ Jerobam mmehie nke mere ka a kwatuo ma kpochapụ ya n'elu ụwa.

Okwu nke Osebrwa

Read more: : 07. SATURDAY OF THE FIFTH WEEK OF ORDINARY, YEAR B (IGBO)